الاسترجاع والاستبدال
إزاي ترجّع أو تبدّل قطعة من ماكرو هوم، وإيه القطع اللي مبترجعش، وفلوسك بترجع إزاي وإمتى.
الاسترجاع والاستبدال خلال ١٤ يوم
- تقدر ترجّع أو تبدّل القطعة الجاهزة خلال ١٤ يوم من التوصيل، طالما مستعملتهاش وبحالتها الأصلية بالتغليف وكل أجزائها وإكسسواراتها.
- لو التغليف اتفتح، بتتخصم تكلفة استلام القطعة وإعادة تغليفها. وده بيختلف حسب القطعة، وبنقولك المبلغ قبل ما نستلمها.
- وتقدر كمان ترجّع أو تبدّل القطعة لو مختلفة عن وصفها في الموقع، أو وصلت متضررة، أو فيها عيب صناعة مش عارفين نصلحه أو نغيّره.
- التلف اللي بيحصل من سوء الاستخدام مبيترجعش ومبيتبدلش.
قطع مبترجعش
- القطع اللي اتصنعت مخصوص ليك (بمقاسك أو لونك أو التشطيب اللي اخترته)، والمطابخ والدريسنج رومز التفصيل، والقطع اللي فريقنا بيركّبها في مكانها، مبترجعش.
- بتتبدل بس لو فيها عيب صناعة ملوش تصليح، حسب تقرير فريق الجودة عندنا.
إزاي ترجّع قطعة
- كلمنا واتساب أو تليفون أو إيميل خلال ١٤ يوم من التوصيل، ومعاك رقم الطلب، وقولنا المشكلة إيه.
- بنتفق معاك على يوم نستلم فيه القطعة.
- فريق الجودة بيفحص القطعة المرتجعة خلال ٧ أيام عمل من استلامها، وبنبلغك بالنتيجة بإيميل أو رسالة أو مكالمة.
رجوع فلوسك
- رجوع الفلوس بيبدأ بعد ما الفحص يقبل المرتجع.
- الفلوس بترجع لنفس طريقة الدفع اللي استخدمتها على كاشير، خلال ١٤ يوم عمل من نتيجة الفحص.
- وبعدها البنك أو المحفظة ممكن ياخدوا كام يوم زيادة لحد ما المبلغ يظهر.